பங்குச் சந்தை 1411 புள்ளிகள் மீட்சி

பங்குச் சந்தை 1411 புள்ளிகள் மீட்சி

வாரத்தின் நான்காவது வர்த்தக நாளான வியாழக்கிழமை இந்தியச் சந்தைகள் உயர்ந்து துவங்கின. அதன் பின்னர் சந்தைகள் உயர்ந்தே வர்த்தகமாகி வர்த்தக நேர முடிவில் மீட்சி அடைந்து முக்கிய குறியீட்டெண்கள் உயர்ந்து நிலைபெற்றன.

மும்பை பங்குச் சந்தையில் சென்செக்ஸ் 1411 புள்ளிகள் அல்லது 4.94 சதவீதம் உயர்ந்து 29,946.77 புள்ளிகளில் நிறைவடைந்தது. தரக் குறியீட்டுப் பங்குகளில் 30 பங்குகளில் 26 பங்குகள் உயர்வை கண்டன 4 பங்குகள் சரிவைச் சந்தித்தன.

சென்செக்ஸ் காலையில் 538 புள்ளிகள் உயர்ந்து 29,073.71 புள்ளிகளில் துவங்கியது. குறைந்தபட்சமாக 28,566.34 புள்ளிகளுக்கும், அதிகபட்சமாக 30,099.91 புள்ளிகளுக்கும் சென்று வர்த்தக நேர முடிவில் 29,946.77 புள்ளிகளில் நிலைபெற்றது.

தேசிய பங்குச் சந்தையில் நிஃப்டி 324 புள்ளிகள் அல்லது 3.89 சதவீதம் உயர்ந்து 8,641.45  புள்ளிகளில் நிறைவடைந்தது. தேசிய பங்குச் சந்தையின் 50 முதல் தரப் பங்குகளில் 39 பங்குகள் உயர்வை பெற்றன. 11 பங்குகள் இழப்பைச் சந்தித்தன. காலையில் நிஃப்டி 133புள்ளிகள் வரை உயர்ந்து 8,451.00 புள்ளிகளில் துவங்கியது. குறைந்த பட்சமாக 8,304.90 புள்ளிகளுக்கும் அதிகபட்சமாக 8,749.05 புள்ளிகளுக்கும் சென்று வர்த்தக நேர முடிவில் 8,641.45 புள்ளிகளில் நிலைபெற்றது.

தேசிய பங்குச் சந்தையில் வர்த்தகமான 2120 பங்குகளில் 1275பங்குகள் லாபம் கண்டன. 503 பங்குகள் நஷ்டமடைந்தன. 324 பங்குகள் மாற்றமின்றி நிலைபெற்றன.