பங்குச் சந்தை 693 புள்ளிகள் மீட்சி

பங்குச் சந்தை நிலவரம்

வாரத்தின் இரண்டாவது வர்த்தக நாளான செவ்வாய்க்கிழமை இந்தியச் சந்தைகள் மீ்ட்சி பெற்றன. அதன் பின்னர் சந்தைகள் உயர்ந்தே வர்த்தகமாகியது.  இதையடுத்து முக்கிய குறியீட்டெண்கள் உயர்ந்து நிலைபெற்றன. .

மும்பை பங்குச் சந்தையில் சென்செக்ஸ் 693 புள்ளிகள் அல்லது 2.67 சதவீதம் உயர்ந்து 26,674.03 புள்ளிகளில் நிறைவடைந்தது. தரக் குறியீட்டுப் பங்குகளில் 30 பங்குகளில் 21 பங்குகள் உயர்வை கண்டன 9 பங்குகள் சரிவைச் சந்தித்தன. சென்செக்ஸ் காலையில் 1075 புள்ளிகள் உயர்ந்து 27,056.23 புள்ளிகளில் துவங்கியது. குறைந்தபட்சமாக 25,638.90 புள்ளிகளுக்கும், அதிகபட்சமாக   27,462.87 புள்ளிகளுக்கும் சென்று வர்த்தக நேர முடிவில் 26,674.03 புள்ளிகளில் நிலைபெற்றது.

சென்செக்ஸ் காலையில் 1075 புள்ளிகள் வரை உயர்ந்து துவங்கியது. பின்னர் 1417  புள்ளிகள் வரை குறைந்து வர்த்தக நேர இறுதியில் 382 புள்ளிகள் உயர்ந்து நிலைபெற்றன.

மும்பை பங்குச் சந்தையில் மொத்தம் வர்த்தகமான 2426 பங்குகளில் 923 பங்குகள் முன்னேற்றம் கண்டன. 1337 பங்குகள் பின்னடைவைச் சந்தித்தன. 166பங்குகள் மாற்றமின்றி நிலைபெற்றன.

தேசிய பங்குச் சந்தையில் நிஃப்டி 191 புள்ளிகள் அல்லது 2.51 சதவீதம் உயர்ந்து 7,801.05 புள்ளிகளில் நிறைவடைந்தது. தேசிய பங்குச் சந்தையின் 50 முதல் தரப் பங்குகளில் 35 பங்குகள் உயர்வை பெற்றன. 15 பங்குகள் இழப்பைச் சந்தித்தன. காலையில் நிஃப்டி 238 புள்ளிகள் வரை உயர்ந்து 7,848.30 புள்ளிகளில் துவங்கியது. குறைந்த பட்சமாக 7,511.10 புள்ளிகளுக்கும் அதிகபட்சமாக 8,036.95 புள்ளிகளுக்கும் சென்று வர்த்தக நேர முடிவில் 7,801.05 புள்ளிகளில் நிலைபெற்றது.

தேசிய பங்குச் சந்தையில் வர்த்தகமான 2110 பங்குகளில் 799 பங்குகள் லாபம் கண்டன. 987 பங்குகள் நஷ்டமடைந்தன. 324 பங்குகள் மாற்றமின்றி நிலைபெற்றன.