பங்குச் சந்தை கட்டுக்கடங்காத சரிவு

பங்குச் சந்தை  3935 புள்ளிகள் சரிவு

இந்த வாரத்தின் முதலாவது வர்த்தக நாளான திங்கட்கிழமை இந்தியச் சந்தைகள் கடும் சரிவைச் சந்தித்தன. அதன் பின்னர் சந்தைகள் தடுமாற்றத்துடன் வர்த்தகமாகிய நிலையில் வர்த்தக நேர இறுதியில் மீட்சி பெற வழியில்லாமல் கடும் சரிவை அடைந்தன.

மும்பை பங்குச் சந்தையில் சென்செக்ஸ் 3934.72 புள்ளிகள் அல்லது 13.15 சதவீதம் குறைந்து 25,981.24 புள்ளிகளில் நிறைவடைந்தது. தரக் குறியீட்டுப் பங்குகளில் 30 பங்குகளில் அனைத்து பங்குகளுமே சரிவைச் சந்தித்தன. சென்செக்ஸ் காலையில் 2307 புள்ளிகள் குறைந்து 27,608.80 புள்ளிகளில் துவங்கியது. குறைந்தபட்சமாக 25,880.83 புள்ளிகளுக்கும், அதிகபட்சமாக  27,900.83 புள்ளிகளுக்கும் சென்று வர்த்தக நேர முடிவில் 25,981.24 புள்ளிகளில் நிலைபெற்றது.

சென்செக்ஸ் காலையில் 2307 புள்ளிகள் வரை குறைந்து துவங்கியது. பின்னர் 1728  புள்ளிகள் வரை குறைந்து வர்த்தக நேர இறுதியில் 1628 புள்ளிகள் சரிந்து நிலைபெற்றன. மும்பை பங்குச் சந்தையில் மொத்தம் வர்த்தகமான 2401 பங்குகளில் 232 பங்குகள் முன்னேற்றம் கண்டன. 2037 பங்குகள் பின்னடைவைச் சந்தித்தன. 132 பங்குகள் மாற்றமின்றி நிலைபெற்றன.

தேசிய பங்குச் சந்தையில் நிஃப்டி 1135 புள்ளிகள் அல்லது 12.98 சதவீதம் குறைந்து 7,610.25 புள்ளிகளில் நிறைவடைந்தது. தேசிய பங்குச் சந்தையின் 50 முதல் தரப் பங்குகளில் 50 பங்குகளுமே சரிவைச் சந்தித்தன. காலையில் நிஃப்டி 800 புள்ளிகள் வரை குறைந்து 7,945.70 புள்ளிகளில் துவங்கியது. குறைந்த பட்சமாக 7,583.60 புள்ளிகளுக்கும் அதிகபட்சமாக 8,159.25 புள்ளிகளுக்கும் சென்று வர்த்தக நேர முடிவில் 7,610.25 புள்ளிகளில் நிலைபெற்றது.

தேசிய பங்குச் சந்தையில் வர்த்தகமான 2124 பங்குகளில் 129 பங்குகள் லாபம் கண்டன. 1703 பங்குகள் நஷ்டமடைந்தன. 292 பங்குகள் மாற்றமின்றி நிலைபெற்றன.